Hindi ako, at hindi sya...

Anung meron at bakit bigla na lang nagbago ang lahat? Hindi ko rin talaga alam kung ano ang nangyari e. Basta, nangyari na lang. Para bang bigla na lang akong nawalan ng gana sa taong yon. Although, pinipilit ko pa ring magpakita ng concern sa kanya kahit paano. Alam ko kasing kailangan nya yon. Kailangang nyang malaman na mahalaga sya at importante sya lalo na sa akin. Kaya lang, sa di ko maipaliwanag na pangyayari, nakaramdam ako ng pagkapagod sa ginagawa ko. Para kasi akong nakikipag usap sa hangin. Nakikipaghabulan sa kidlat. At nagmamahal ng isang bato.

Gustong gusto kong iparamdam sa kanya kung gaano sya ka-special sa buhay ko kahit walang kapalit. Kaya lang, namamanhid na rin ata ako. Totoo palang nagbabago rin ang lahat. Katulad nga ng nasabi ko, hindi ko kailangan ng kapalit. Sana man lang kahit konting appreciation. Alam kong mahirap syang intindihin. Kaya nga ginagawa ko ang lahat para maintindihan sya. Pero hindi ko pala kaya. Sumusuko na ako kasi talagang pagod na ako. Sa isang iglap lang nawala ang lahat. Ganon lang kabilis. Ganon lang pala. Ni hindi ko man lang nalaman kung ano ako sa buhay nya. Gusto kong tulungan ang special monster ko, kaya lang mukhang hindi ako ang kailangan nya, at mukhang hindi ako makakatulong sa kanya.

Mukhang yun na lang yun...Kasing lamig na ng simoy ng hangin ang pakikitungo namin ngayon sa isa't isa.